اسلام آباد (پاک ٹوڈے): پاکستان تحریک انصاف کے بانی اور سابق وزیراعظم عمران خان کے بیٹے قاسم خان نے اپنے والد کی جیل میں سیکیورٹی اور صحت سے متعلق سخت خدشات کا اظہار کرتے ہوئے حکومت اور انتظامیہ پر سنگین الزامات عائد کیے ہیں۔
قاسم خان کا کہنا ہے کہ ان کے والد کو طویل عرصے تک جیل میں قید رکھنے کی باقاعدہ اور منظم کوششیں کی جا رہی ہیں۔ اپنے ایک بیان میں انہوں نے دعویٰ کیا کہ مخالفین عمران خان کو جیل ہی میں ختم کرنے کی کوشش کر رہے ہیں اور وہ اس امید میں ہیں کہ ایک دن بانی پی ٹی آئی کی آواز کو مکمل طور پر خاموش کر دیا جائے گا۔
سابق وزیراعظم کے بیٹوں کی جانب سے عالمی اور ملکی ذرائع ابلاغ پر سامنے آنے والے ان سخت بیانات کے بعد سیاسی حلقوں اور تحریک انصاف کے کارکنان میں شدید تشویش کی لہر دوڑ گئی ہے، جبکہ حکومت سے ان کے تحفظ اور حقوق کی فراہمی کا مطالبہ کیا جا رہا ہے۔