شمالی وزیرستان کے عیدک میں انٹیلی جنس بیسڈ آپریشن، 7 شدت پسند ہلاک کرنے کا دعویٰ

پشاور (پاک ٹوڈے): خیبر پختونخوا کے ضلع شمالی وزیرستان کے علاقے عیدک میں انٹیلی جنس بنیادوں پر کیے گئے آپریشن کے دوران 7 شدت پسند ہلاک کرنے کا دعویٰ کیا گیا ہے۔

سرکاری میڈیا کے مطابق سیکیورٹی ذرائع نے بتایا کہ سیکیورٹی فورسز نے کارروائی کے دوران شدت پسندوں کا تعاقب کیا اور ان کے مبینہ ٹھکانے بھی تباہ کردیے۔

ذرائع کے مطابق ہلاک افراد کا تعلق کالعدم تحریک طالبان پاکستان سے بتایا گیا ہے، تاہم ان دعوؤں کی آزاد ذرائع سے تصدیق نہیں ہوسکی۔

صدر آصف علی زرداری نے کارروائی پر سیکیورٹی فورسز کو سراہتے ہوئے کہا کہ عزم استحکام کے تحت ملک سے شدت پسندی کے مکمل خاتمے اور پائیدار امن کے قیام کے لیے فورسز کی کوششیں قابل تعریف ہیں۔

Related posts

عمران خان صوبوں کو چھوٹے انتظامی یونٹس میں تقسیم کرنے کے حامی ہیں، سلمان اکرم راجا

عمران خان کو شفاء انٹرنیشنل ہسپتال منتقل کیا جائے، محمود اچکزئی اور راجہ ناصر عباس کا مطالبہ

آئینی عدالت کا پی ٹی آئی کو ریلیف، پشاور ہائیکورٹ کو بیشتر مقدمات سننے کی اجازت