سری نگر: میر واعظ عمر فاروق کو خواجہ دگر کے اجتماع میں خطاب سے روک دیا گیا۔

سری نگر (پاک ٹوڈے): کل جماعتی حریت کانفرنس کے سینئر رہنما میر واعظ عمر فاروق نے انکشاف کیا ہے کہ بھارتی حکام نے انہیں ایک بار پھر گھر میں نظر بند کر کے حضرت خواجہ بہاؤالدین نقشبند بخاریؒ کے عرس کے سلسلے میں انعقاد پذیر ‘خواجہ دگر’ کے سالانہ مذہبی اجتماع میں شرکت اور خطاب سے روک دیا ہے۔

سری نگر کے خواجہ بازار نوہٹہ میں ہر سال 3 ربیع الاول کو منعقد ہونے والے اس تاریخی اور روحانی اجتماع میں عقیدت مندوں کی بڑی تعداد اجتماعی نمازِ عصر اور وعظ میں شرکت کرتی ہے۔ میر واعظ نے ایکس (ٹویٹر) پر اپنے ویڈیو پیغام میں حکام کی اس کارروائی کو جابرانہ ذہنیت کا عکاس قرار دیتے ہوئے شدید مذمت کی اور کہا کہ کشمیری مسلمانوں کے مذہبی اور سمی حقوق کو مسلسل پامال کیا جا رہا ہے۔ انہوں نے مقامی منتخب حکومت پر زور دیا کہ وہ خطے میں مسلمانوں کی مذہبی آزادی اور حقوق کے تحفظ کے لیے اپنا کردار ادا کرے۔

Related posts

جرمنی میں افغان سفارت خانے اور قونصل خانے کے لیے 4 نئے سفارت کار نامزد

علما متحد ہوں تو کوئی طاقت ان کا مقابلہ نہیں کر سکتی، افغان حکومت کے سربراہ

بھارت میں مسافر بس خوفناک حادثے کا شکار، 300 فٹ گہری کھائی میں گرنے سے 6 افراد ہلاک