پشاور (پاک ٹوڈے): کالعدم تحریک طالبان پاکستان (ٹی ٹی پی) نے دعویٰ کیا ہے کہ اس کے جنگجوؤں نے جنوبی وزیرستان کی تحصیل لدھا کے علاقے سام کانیگرم میں کارروائی کرتے ہوئے فوج کو سامان فراہم کرنے والے چار ڈرائیوروں کو حراست میں لے لیا۔
ترجمان کے مطابق یہ ڈرائیورز ٹانک کے راستے سے فوجی بریگیڈز اور مختلف چوکیوں کو سامان پہنچا رہے تھے۔ حراست میں لیے گئے افراد کی شناخت عبد الحق ولد موسن خان برکی، شیخ زاہد ولد گل مر خان، جمال الدین ولد نصیب خان اور مشاہد ولد غلام خان برکی کے ناموں سے ہوئی ہے۔
کالعدم تنظیم کا مزید کہنا ہے کہ واقعے کے بعد مقامی قبائلی عمائدین اور جرگے کی ضمانت پر چاروں ڈرائیوروں کو بعد ازاں رہا کر دیا گیا ہے۔