تمام سیاسی جماعتوں کو دشدت پسندی کے خلاف قومی مشاورت کے لیے بلانے کو تیار ہیں، رانا ثناءاللہ

اسلام آباد (پاک ٹوڈے): وزیراعظم کے مشیر برائے سیاسی امور رانا ثناءاللہ نے کہا ہے کہ وفاقی حکومت شدت پسندی کے خلاف قومی اتفاقِ رائے پیدا کرنے کے لیے تمام سیاسی جماعتوں کو مذاکرات کی دعوت دینے کے لیے تیار ہے۔

سینیٹ میں خطاب کرتے ہوئے رانا ثناءاللہ نے اپوزیشن سے اپیل کی کہ وہ اپنے دیگر مطالبات ایک طرف رکھ کر دہشت گردی جیسے اہم قومی مسئلے پر حکومت کا ساتھ دے۔

انہوں نے کہا کہ وزیراعظم شہباز شریف تمام سیاسی جماعتوں کو ایک میز پر بٹھانے اور انسدادِ دہشت گردی کی کارروائیوں کے لیے پوری قوم کی حمایت حاصل کرنے کی راہ تلاش کرنے کے لیے تیار ہیں۔

رانا ثناءاللہ نے سیاسی جماعتوں پر زور دیا کہ دہشت گردی کے خلاف مؤثر اقدامات کے لیے اختلافات سے بالاتر ہو کر متحد ہوں۔