بنوں (پاک ٹوڈے): خیبرپختونخوا کے ضلع بنوں میں تین نامعلوم افراد کی لاشیں برآمد ہوئی ہیں، جنہیں فائرنگ کرکے قتل کیا گیا۔ پولیس نے واقعے کی تحقیقات شروع کردی ہیں۔
پولیس کے مطابق بنوں کے علاقے شابری بھرت سے تین نامعلوم افراد کی لاشیں ملی ہیں۔ ابتدائی معلومات کے مطابق تینوں افراد کو فائرنگ کرکے قتل کیا گیا، تاہم واقعے کی مزید تفصیلات سامنے نہیں آسکیں۔
پولیس کا کہنا ہے کہ تینوں لاشوں کو ڈسٹرکٹ ہیڈکوارٹر اسپتال منتقل کردیا گیا ہے، جبکہ مقتولین کی شناخت اور قتل کے محرکات جاننے کے لیے تحقیقات جاری ہیں۔