باجوڑ (پاک ٹوڈے): ضلع باجوڑ میں سیکیورٹی خدشات کے پیش نظر موٹر سائیکل کی ڈبل سواری پر 10 روز کے لیے پابندی عائد کر دی گئی ہے۔ ڈپٹی کمشنر عدنان فرید نے دفعہ 144 کے تحت پابندی کا باضابطہ نوٹیفکیشن جاری کر دیا۔
نوٹیفکیشن کے مطابق پابندی 29 اکتوبر سے نافذ ہوگی اور 7 نومبر 2026 تک برقرار رہے گی۔ اس دوران ضلع باجوڑ کی حدود میں موٹر سائیکل پر دو افراد کے سفر کرنے کی اجازت نہیں ہوگی۔
حکم نامے میں کہا گیا ہے کہ انٹیلی جنس اداروں اور پولیس کی رپورٹس کی روشنی میں سیکیورٹی خدشات اور دہشت گردی کی سرگرمیوں میں موٹر سائیکلوں کے ممکنہ استعمال کے پیش نظر یہ اقدام کیا گیا ہے۔