افغان وزیر خارجہ کی اقوام متحدہ کی اعلیٰ عہدیدار سے ملاقات، افغانستان کی صورتحال پر تبادلہ خیال

کابل (پاک ٹوڈے): افغان وزیر خارجہ نے سیاسی اور قیام امن سے متعلق امور کیلئے اقوام متحدہ کے سیکریٹری جنرل کی معاون روزمیری ڈی کارلو سے ملاقات کی ہے۔

افغان وزارت خارجہ کے مطابق ملاقات میں افغانستان اور اقوام متحدہ کے درمیان تعاون، انسانی امداد، واپس آنے والے افغان مہاجرین کی ضروریات اور معاشرے میں دوبارہ انضمام سمیت موسمیاتی تبدیلی، پانی اور علاقائی صورتحال پر بات چیت کی گئی۔

دونوں فریقوں نے دوحہ عمل کے تحت نئے مواقع اور عملی تعاون کے فروغ پر بھی تبادلہ خیال کیا۔ اس موقع پر افغانستان سے متعلق رپورٹس اور جائزوں میں درست معلومات اور قابل اعتماد ذرائع کے استعمال کی ضرورت پر زور دیا گیا۔

ملاقات میں پاکستان کے حالیہ فضائی حملوں کے نتیجے میں شہریوں کو پہنچنے والے نقصانات پر تشویش کا اظہار بھی کیا گیا اور شہریوں کے تحفظ سے متعلق امور پر گفتگو ہوئی۔

افغان وزیر خارجہ اور روزمیری ڈی کارلو نے افغانستان کیلئے اقوام متحدہ کے سیکریٹری جنرل کی نئی خصوصی نمائندہ رباب فاطمہ کی آمد اور ان کے ساتھ رابطہ و تعاون کے حوالے سے بھی تبادلہ خیال کیا۔

Related posts

مقبوضہ کشمیر میں لشکر طیبہ کے کمانڈر لطیف بھٹ کی ہلاکت، بھارت کا دعویٰ

آبنائے ہرمز میں اماراتی آئل کمپنی کے بحری جہاز پر حملہ، 11 افراد زخمی

ایران کا کویت میں امریکی فوجی اڈے پر ڈرون حملہ، فضائی دفاعی نظام اور میزائل لانچر نشانے پر