ماسکو (پاک ٹوڈے): روسی وزیر خارجہ سرگئی لاوروف نے کہا ہے کہ افغانستان میں نیٹو کی موجودگی کے لیے کسی بھی قسم کی اجازت یا انتظام روس کے لیے قابل قبول نہیں ہوگا۔
مسکو فارمیٹ کے آٹھویں اجلاس سے خطاب کرتے ہوئے سرگئی لاوروف نے افغانستان میں مغربی ممالک کی مداخلت کا حوالہ دیتے ہوئے کہا کہ اس کے باوجود افغانستان کی معیشت میں نمایاں پیش رفت ہوئی ہے۔
روسی وزیر خارجہ نے افغانستان کے لیے انسانی بنیادوں پر امداد جاری رکھنے کے عزم کا بھی اظہار کیا۔ انہوں نے کہا کہ روس مستقبل میں بھی افغان عوام کے لیے اپنی انسانی امداد کا سلسلہ جاری رکھے گا۔