بیروت (پاک ٹوڈے): اسرائیلی فوج نے دعویٰ کیا ہے کہ اس نے جنوبی لبنان میں ایک کارروائی کے دوران لبنانی تنظیم حزب اللہ کی اہم عسکری شاخ ‘بدر یونٹ’ کے سینئر کمانڈر ابو حسن علاء کو ہلاک کر دیا ہے۔
اسرائیلی دفاعی فورسز (IDF) کی جانب سے سوشل میڈیا پر جاری کردہ بیان کے مطابق، ابو حسن علاء سیکیورٹی زون میں اسرائیلی فوجیوں کے خلاف متعدد حملوں، بمباری اور بارود سے لیس ڈرون حملوں کی منصوبہ بندی اور ان پر عملدرآمد کے ذمہ دار تھے۔
اسرائیلی حکام کا کہنا ہے کہ یہ کارروائی بارڈر زون میں عسکری تنصیبات اور فوجیوں کو نشانہ بنانے والی سرگرمیوں کے جواب میں کی گئی، تاہم حزب اللہ کی جانب سے اپنے کمانڈر کی ہلاکت سے متعلق اب تک کوئی باضابطہ تصدیق یا تردید سامنے نہیں آئی ہے۔