کوہاٹ (پاک ٹوڈے) کوہاٹ کے علاقے طور چھپر میں واپڈا کے ملازمین بجلی کے کھمبے کی مرمت کا کام کر رہے تھے، جبکہ پولیس پارٹی واپڈا ملازمین کو سکیورٹی فراہم کرنے کے فرائض انجام دے رہی تھی۔
مرمتی کام کے دوران مسلح افراد کی جانب سے پولیس پارٹی پر فائرنگ کی گئی، جس کے نتیجے میں ایک پولیس اہلکار زخمی ہو گیا۔
پولیس واپڈا کے ملازمین کو اس لیے سکیورٹی فراہم کر رہی تھی تاکہ بجلی کے کھمبے کی مرمت کا کام بحفاظت مکمل ہو سکے اور علاقے میں بجلی کی فراہمی بلا تعطل جاری رہے، جس سے عوام کو کسی قسم کی مشکلات کا سامنا نہ کرنا پڑے۔
عوامی خدمت اور واپڈا ملازمین کی سکیورٹی کے فرائض کی انجام دہی کے دوران پولیس پارٹی کو نشانہ بنایا گیا۔ پولیس اپنی قانونی اور پیشہ ورانہ ذمہ داریاں پوری عزم اور ذمہ داری کے ساتھ انجام دے گی۔
واقعے میں ملوث عناصر کے خلاف قانون کے مطابق سخت کارروائی عمل میں لائی جائے گی، جبکہ علاقے میں سرچ آپریشن جاری ہے۔
