40
ڈیرہ اسماعیل خان (پاک ٹوڈے): خیبر پختونخوا کے ضلع ڈیرہ اسماعیل خان کی تحصیل کلاچی میں ڈی ایس پی کلاچی کفایت اللہ مروت کی گاڑی پر نامعلوم افراد کی جانب سے گھات لگا کر حملہ کیا گیا ہے۔
مقامی ذرائع کے مطابق فائرنگ کے اس واقعے کے دوران ڈی ایس پی کلاچی کی گاڑی بے قابو ہو کر الٹ گئی، جس کے نتیجے میں ڈی ایس پی سمیت ایک پولیس اہلکار شدید زخمی ہو گیا۔
واقعے کے فوراً بعد امدادی ٹیموں اور پولیس کی بھاری نفری نے موقع پر پہنچ کر زخمی اہلکار کو فوری طبی امداد کے لیے قریب کے ہسپتال منتقل کر دیا۔
