مذاکرات کی ناکامی کا ملبہ کے پی حکومت پر ڈالنا پہلے سے طے شدہ منصوبہ ہے، مشتاق احمد

پشاور (پاک ٹوڈے): سابق سینیٹر مشتاق احمد کے مطابق مذاکرات کی ناکامی کا ملبہ خیبرپختونخوا حکومت پر ڈالنا ایک پہلے سے طے شدہ منصوبہ ہے۔ ان کا کہنا ہے کہ حکومت ایمرجنسی یا گورنر راج کے نفاذ کے لیے جواز پیدا کرنے کی کوشش کر رہی ہے۔

پی ٹی آئی کے مطابق دہشتگردی کے خلاف خیبرپختونخوا کے عوام، پولیس اور حکومت نے سب سے زیادہ قربانیاں دی ہیں، جبکہ صوبائی پولیس اب بھی دہشتگردی کے خلاف فرنٹ لائن پر موجود ہے۔

پارٹی کا کہنا ہے کہ مذاکرات میں لچک کا مظاہرہ کرتے ہوئے صرف دو مطالبات رکھے گئے ہیں، جن میں عمران خان سے ملاقات اور ان کی بہنوں کی رہائی شامل ہے۔ پی ٹی آئی کے مطابق اگر حکومت یہ مطالبات بھی پورے نہیں کرتی تو مذاکراتی عمل کی سنجیدگی پر سوال اٹھتا ہے۔