41
قلعہ عبداللہ (پاک ٹوڈے): بلوچستان کے ضلع قلعہ عبداللہ میں تین روز قبل اغوا ہونے والے پنجاب سے تعلق رکھنے والے 5 مزدور قبائلی جرگے کی مداخلت پر بازیاب ہوگئے۔
ذرائع کے مطابق پانچوں مزدوروں کو تین روز قبل گلستان کے علاقے تحصیل پنکی سے نامعلوم مسلح افراد نے اغوا کیا تھا۔
ذرائع کا کہنا ہے کہ مغویوں کی بازیابی کے لیے مقامی قبائلی جرگے نے مداخلت کی، جس کے بعد مسلح گروہ نے پانچوں افراد کو جرگے کے حوالے کر دیا۔
بازیابی کے بعد تمام مزدور بحفاظت قبائلی رہنما حاجی ساجد کاکڑ کے حجرے پہنچ گئے ہیں۔ ذرائع کے مطابق پانچوں افراد کا تعلق پنجاب سے ہے۔
مزدوروں کی بازیابی کے بعد علاقے میں موجود ان کے اہلِ خانہ اور عزیزوں میں بھی اطمینان پایا جا رہا ہے۔
