68
لنڈی کوتل (پاک ٹوڈے): ضلع خیبر پولیس نے بڑی کامیاب کارروائی کرتے ہوئے لنڈی کوتل کے مغوی تاجر محمد ظریف عرف حاجی لنڈے کو 35 روز بعد بازیاب کرا لیا۔
پولیس ذرائع کے مطابق گزشتہ رات 2 بجے سدوخیل کے پہاڑ بالا گارے خوڑ کے مقام پر کارروائی کی گئی، جس کے نتیجے میں مغوی تاجر ظریف شینواری کو بحفاظت بازیاب کرایا گیا۔
پولیس کا کہنا ہے کہ ان شاء اللہ تھوڑی دیر بعد مغوی تاجر کو باحفاظت اہلِ خانہ کے حوالے کر دیا جائے گا۔
تاجر کی بحفاظت بازیابی پر اہلِ علاقہ اور تاجر برادری نے خوشی کا اظہار کرتے ہوئے پولیس کی بروقت اور کامیاب کارروائی کو سراہا اور خراجِ تحسین پیش کیا۔
