34
دیر بالا (پاک ٹوڈے): خیبر پختونخوا کے ضلع اپر دیر (دیر بالا) کے علاقے دوباندو میں مسلح افراد نے فجر کی نماز سے قبل مقامی امن کمیٹی کے چار ارکان کو اغوا کر لیا۔
مقامی ذرائع کے مطابق اغوا کیے جانے والے ارکان کی شناخت آخوند زادہ، محمد باز خان، سید محمد اور شاہ اسلام کے ناموں سے ہوئی ہے۔ تمام افراد کو نا معلوم مقام پر منتقل کر دیا گیا ہے۔
واقعے کے فوری بعد سیکیورٹی فورسز اور مقامی پولیس نے علاقے کو گھیرے میں لے کر مغویوں کی بازیابی کے لیے سرچ آپریشن شروع کر دیا ہے۔ تاہم ابھی تک مغویوں کے بارے میں کوئی سراغ نہیں لگایا جاسکا.
