ژوب: مسافر بس سے کسٹمز کانسٹیبل سلیم درانی کو اغواء کر کیا گیا

ژوب (پاک ٹوڈے): اسلام آباد سے کوئٹہ جانے والی مسافر بس سے کسٹمز کے ایک اہلکار، کانسٹیبل سلیم درانی کو مسلح عسکریت پسندوں کی جانب سے اغوا کیے جانے کی مصدقہ اطلاعات موصول ہوئی ہیں۔

مقامی ذرائع کے مطابق کانسٹیبل سلیم درانی مسافر بس کے ذریعے براستہ ژوب کوئٹہ کے سفر پر تھے کہ مسلح افراد نے بس کو زبردستی روکا اور شناخت کے بعد کسٹمز اہلکار کو یرغمال بنا کر نامعلوم مقام کی جانب منتقل کر دیا۔

واقعے کے فوری بعد سیکیورٹی فورسز نے اطراف کے تمام تمام متصل راستوں کی ناکابندی کر کے مغوی اہلکار کی بحفاظت بازیابی کے لیے آپریشن کا آغاز کر دیا ہے، تاہم تاحال کوئی کامیابی حاصل نہیں ہوئی۔