اسلام آباد (پاک ٹوڈے): وفاقی حکومت نے رواں مالی سال کے ابتدائی دو ماہ کے دوران چاروں صوبوں کے قومی مالیاتی کمیشن (این ایف سی) حصے سے 34 ارب 839 کروڑ روپے گرانٹ کی مد میں وصول کیے ہیں۔
وزارت خزانہ کے اعلیٰ حکام کے مطابق یہ رقم نان ٹیکس ریونیو کے طور پر ظاہر کی گئی ہے۔ رپورٹ میں بتایا گیا ہے کہ ملکی تاریخ میں پہلی مرتبہ وفاقی حکومت نے آئین کے آرٹیکل 164 کے تحت صوبوں کے این ایف سی حصے سے گرانٹ وصول کی ہے۔
رپورٹ کے مطابق مالی سال 2026-27 کا بجٹ پیش کیے جانے سے قبل وفاق اور چاروں صوبوں کے درمیان اتفاق ہوا تھا کہ صوبے عالمی مالیاتی فنڈ (آئی ایم ایف) کے 7 ارب ڈالر کے پروگرام کے تحت وفاقی حکومت کی مالی ذمہ داریوں میں مدد کے لیے اپنے این ایف سی حصے سے مجموعی طور پر 1035 ارب روپے گرانٹ فراہم کریں گے۔
ابتدائی دو ماہ میں وصول کی گئی 34 ارب 839 کروڑ روپے کی رقم اسی طے شدہ مالی تعاون کا حصہ ہے۔
