نصیر آباد (پاک ٹوڈے): بلوچستان کے ضلع نصیر آباد میں نامعلوم مسلح افراد نے شاہراہ پر ایک مال بردار ٹریلر اور باؤزر گاڑی کو روک کر فائرنگ کی اور بعد ازاں دونوں گاڑیوں کو آگ لگا دی۔
ذرائع کے مطابق مسلح افراد نے شاہراہ پر سفر کرنے والی گاڑیوں کو زبردستی روکا اور فائرنگ کے بعد انہیں نذرِ آتش کرکے موقع سے فرار ہوگئے۔ آگ لگنے کے باعث دونوں گاڑیاں بری طرح جل گئیں۔
واقعے کی اطلاع ملتے ہی مقامی پولیس اور قانون نافذ کرنے والے اداروں کی نفری جائے وقوعہ پر پہنچ گئی اور علاقے کو گھیرے میں لے لیا۔ حکام نے شواہد اکٹھے کرنے کا عمل شروع کرتے ہوئے ملزمان کی گرفتاری کیلئے کارروائی شروع کردی ہے۔