پشاور (پاک ٹوڈے): بلوچستان کے ضلع قلات میں اغوا ہونے والے ایم سی بی بینک کے دونوں اعلیٰ افسران بحفاظت گھروں کو پہنچ گئے۔
ذرائع کے مطابق رودینجو کے مقام سے اغوا ہونے والے دونوں بینک افسران کو بحفاظت بازیاب کرا لیا گیا ہے۔
بازیاب ہونے والوں میں ایم سی بی بینک خضدار ریجن کے ریجنل ہیڈ آپریشنز حاجی لشکر خان بنگلزئی اور ریجنل ہیڈ سیلز خالد گچکی شامل ہیں، جو اپنے گھروں کو پہنچ گئے ہیں۔
اہل خانہ اور بینک حکام نے دونوں افسران کی بحفاظت بازیابی پر اطمینان کا اظہار کیا ہے۔