اسلام آباد (پاک ٹوڈے): اسٹیٹ بینک آف پاکستان کی تازہ دستاویزات کی بنیاد پر جاری کردہ تفصیلات سے معلوم ہوا ہے کہ وزیراعظم شہباز شریف کے دونوں ادوار حکومت (تقریباً پونے چار سال) کے دوران وفاقی حکومت کے قرضوں میں 37 ہزار 307 ارب روپے کا تاریخی اضافہ درج کیا گیا ہے۔
اسٹیٹ بینک آف پاکستان کے اعداد و شمار کے مطابق، پاکستان تحریک انصاف (پی ٹی آئی) کے تقریباً پونے چار سالہ دورِ حکومت کی جسمیں شہباز شریف کے ادوار کے دوران وفاقی قرضوں کے اضافے کی شرح 104 فیصد زیادہ رہی۔ پی ٹی آئی حکومت کے عرصے میں وفاقی حکومت کے قرضوں میں 18 ہزار 323 ارب روپے (بعض اعداد و شمار میں 18 ہزار 327 ارب روپے) کا اضافہ ہوا تھا۔
پہلا دورِ حکومت (اپریل 2022 تا جولائی 2023):
شہباز شریف کے پہلے 16 ماہ کے اقتدار کے دوران وفاقی حکومت کے مجموعی قرضوں میں 18 ہزار 764 ارب روپے کا اضافہ ریکارڈ کیا گیا۔
موجودہ دورِ حکومت (مارچ 2024 تا جولائی 2026):
موجودہ حکومت کے ابتدائی 29 مہینوں میں وفاقی قرضوں کا حجم 18 ہزار 543 ارب روپے مزید بڑھ گیا۔
مجموعی طور پر وزیراعظم شہباز شریف کے دونوں ادوارِ حکومت کا جائزه لیا جائے تو وفاقی حکومت کے قرضوں میں ہونے والا کل اضافہ 37 ہزار 307 ارب روپے تک پہنچ چکا ہے، جو کہ سابقہ ادوار کی نسبت ایک نمایاں اضافہ ظاہر کرتا ہے۔
