2
بنوں (پاک ٹوڈے): خیبرپختونخوا کے ضلع بنوں کی وزیر سب ڈویژن کے علاقے زروام میں مبینہ ڈرون حملے کے نتیجے میں 5 شدت پسندوں کے مارنے اور 7 زخمی ہونے کا دعویٰ کیا گیا ہے۔
مقامی ذرائع کے مطابق حملہ منگل 20 اکتوبر کو شدت پسندوں کے ایک مبینہ ٹھکانے پر کیا گیا۔ ذرائع کا دعویٰ ہے کہ نشانہ بنایا گیا ٹھکانہ مقامی طالبان کے اس گروہ سے منسلک تھا جو ’’گیدڑ گروپ‘‘ کے نام سے جانا جاتا ہے۔
تاہم ہلاک اور زخمی ہونے والوں کی شناخت سامنے نہیں آئی، جبکہ سرکاری حکام نے بھی ہلاکتوں کی تعداد کی تصدیق نہیں کی۔ یہ بھی واضح نہیں ہو سکا کہ ڈرون کس کا تھا اور حملہ کس نے کیا۔
