دیر (پاک ٹوڈے) دیر بالا کے علاقے براول سندرول کے مقام پر ایک فیلڈر گاڑی بے قابو ہو کر گہری کھائی میں جاگری، جس کے نتیجے میں گاڑی میں سوار تین افراد جاں بحق جبکہ ایک بچہ زخمی ہوگیا۔ اطلاع ملنے پر ریسکیو 1122 کی ٹیم فوری طور پر جائے حادثہ پر پہنچی اور امدادی کارروائیاں شروع کرتے ہوئے جاں بحق افراد کی میتوں کو براول ہسپتال منتقل کر دیا، جبکہ زخمی بچے کو بھی طبی امداد کے لیے دیر بالا ہسپتال منتقل کیا گیا۔