اسلام آباد (پاک ٹوڈے): خبر رساں ادارے رائٹرز کے مطابق پاکستان کی جانب سے ایران کے ساتھ دو اہم سرحدی گزرگاہیں بند کیے جانے کے بعد ایران نے پاکستان کو مائع پیٹرولیم گیس (ایل پی جی) کی برآمدات روک دی ہیں، جس سے ملک میں گیس کی قلت مزید بڑھ گئی ہے۔
رپورٹ کے مطابق پاکستان روزانہ ایران سے تقریباً 7 ہزار میٹرک ٹن ایل پی جی درآمد کرتا ہے۔ برآمدات رکنے کے بعد مختلف علاقوں میں گیس کی قیمتوں میں تیزی سے اضافہ ریکارڈ کیا گیا ہے۔
رائٹرز کے مطابق 12 کلوگرام ایل پی جی سلنڈر کی قیمت 16.2 ڈالر سے بڑھ کر 25.3 ڈالر ہوگئی ہے، جو 55 فیصد سے زیادہ اضافہ بنتا ہے۔