جکارتا (پاک ٹوڈے) انڈونیشیا میں آتش فشاں پھٹنے کے بعد انتہائی خوفناک مناظر سامنے آئے ہیں، جنہوں نے دیکھنے والوں کو حیران اور شدید خوف زدہ کر دیا ہے۔
منظر عام پر آنے والی ویڈیوز اور تصاویر میں آتش فشاں سے نکلتا ہوا شدید گرم لاوا، سیاہ راکھ اور دھوئیں کے دیوہیکل بادل فضا میں بلند ہوتے دیکھے جا سکتے ہیں۔ سوشل میڈیا پر وائرل ان خوفناک مناظر کو صارفین کی جانب سے قدرت کے شدید غضب کی عکاسی قرار دیا جا رہا ہے۔
واضح رہے کہ انڈونیشیا دنیا کے ان خطوں میں شمار ہوتا ہے جہاں سب سے زیادہ فعال آتش فشاں موجود ہیں۔ ملک کا بیشتر حصہ بحرالکاہل کے ‘رنگ آف فائر’ (Ring of Fire) زون میں واقع ہونے کی وجہ سے یہاں زلزلے اور آتش فشانی کے واقعات معمول کا حصہ سمجھے جاتے ہیں۔