آبنائے ہرمز میں دو ٹینکر بارودی سرنگوں سے ٹکرا گئے، دونوں میں آگ گئی

پاک ٹوڈے): آبنائے ہرمز میں دو ٹینکروں کے بحری بارودی سرنگوں سے ٹکرانے کے نتیجے میں دونوں جہازوں میں آگ بھڑک اٹھنے کی اطلاع ہے۔

ایرانی پاسدارانِ انقلاب کے مطابق یہ واقعہ آبنائے ہرمز میں پیش آیا، جہاں دونوں ٹینکر بحری بارودی سرنگوں سے ٹکرا گئے۔ تاہم واقعے کے وقت اور دیگر تفصیلات کے بارے میں معلومات جاری نہیں کی گئیں۔

ایرانی سرکاری میڈیا کے مطابق دونوں ٹینکروں میں سے ہر ایک تقریباً 20 لاکھ بیرل خام تیل لے جا رہا تھا۔ ایرانی حکام نے دعویٰ کیا کہ جہازوں نے اپنی نیویگیشن اور ریڈار شناختی نظام بند کر رکھا تھا اور ایران کی جانب سے غیر مجاز قرار دیے گئے راستے سے گزرنے کی کوشش کر رہے تھے۔ تاہم ان دعوؤں کی آزادانہ تصدیق نہیں ہو سکی۔

تاحال دونوں ٹینکروں کے نام، عملے کی صورتحال، ممکنہ جانی نقصان اور آگ سے ہونے والے نقصان کی تفصیلات سامنے نہیں آئیں۔