ابل (پاک ٹوڈے): افغانستان میں طالبان حکومت کی جانب سے امریکہ اور نیٹو فورسز کے انخلا اور کابل کا کنٹرول سنبھالنے کی 5 ویں سالگرہ (15 اگست) انتہائی جوش و خروش سے منائی جا رہی ہے۔ اس موقع پر دارالحکومت کابل سمیت ملک کے تمام چھوٹے بڑے شہروں میں عام تعطیل کا اعلان کیا گیا ہے۔
کابل کی اہم شاہراہوں، چوراہوں اور بازاروں کو طالبان حکومت کے سفید پرچموں سے سجا دیا گیا ہے جبکہ سرکاری اور نجی سطح پر متعدد پروقار تقریبات، فوجی پریڈز اور ریلیوں کا اہتمام کیا گیا ہے۔ 15 اگست 2021 کو طالبان کے کابل میں داخلے اور اشرف غنی حکومت کے خاتمے کو افغان حکام نے "فتح کا دن” قرار دے رکھا ہے۔
طالبان رہنماؤں کا کہنا ہے کہ 15 اگست افغان تاریخ کا وہ اہم ترین دن ہے جب غیر ملکی افواج کی 20 سالہ موجودگی کا خاتمہ ہوا اور افغانستان نے مکمل خودمختاری حاصل کی۔ ملک بھر میں سیکیورٹی کے بھی انتہائی سخت انتظامات کیے گئے ہیں۔
