نصیرآباد میں جعفر ایکسپریس پر راکٹ حملہ، تمام مسافر محفوظ رہے

نصیرآباد (پاک ٹوڈے): کوئٹہ سے پشاور جانے والی مسافر ٹرین جعفر ایکسپریس پر نصیرآباد کے علاقے نوٹال میں راکٹ فائر کیے گئے، تاہم تمام مسافر محفوظ رہے اور کسی جانی نقصان کی اطلاع نہیں ملی۔

ڈی ایس پی غلام سرور مینگل کے مطابق راکٹ فائرنگ کا واقعہ اس وقت پیش آیا جب ٹرین اپنے معمول کے سفر پر رواں دواں تھی۔ واقعے میں کوئی مسافر زخمی نہیں ہوا۔

ریلوے حکام کے مطابق واقعے کے بعد جعفر ایکسپریس کو جیکب آباد روانہ کر دیا گیا۔

دوسری جانب پولیس اور سیکیورٹی فورسز نے موقع پر پہنچ کر علاقے کی ناکہ بندی کر دی اور حملہ آوروں کی تلاش شروع کر دی ہے۔ ڈی ایس پی کے مطابق واقعے کی تحقیقات جاری ہیں۔