سونے اور چاندی کی قیمتوں میں نمایاں اضافہ، فی تولہ سونا 4 لاکھ 40 ہزار روپے سے تجاوز کرگیا

کراچی (پاک ٹوڈے): عالمی اور مقامی صرافہ مارکیٹوں میں سونے اور چاندی کی قیمتوں میں ایک بار پھر اضافہ ریکارڈ کیا گیا ہے، جس کے بعد فی تولہ سونے کی قیمت بڑھ کر 4 لاکھ 40 ہزار 636 روپے ہوگئی۔

بین الاقوامی بلین مارکیٹ میں سونے کی فی اونس قیمت 28 ڈالر اضافے کے بعد 4 ہزار 181 ڈالر کی سطح پر پہنچ گئی۔ عالمی مارکیٹ میں اضافے کے اثرات مقامی صرافہ بازاروں میں بھی دیکھنے میں آئے، جہاں فی تولہ سونا 2 ہزار 800 روپے مہنگا ہوگیا۔

اسی طرح 10 گرام سونے کی قیمت میں 2 ہزار 401 روپے کا اضافہ ہوا، جس کے بعد نئی قیمت 3 لاکھ 77 ہزار 774 روپے ریکارڈ کی گئی۔

چاندی کی قیمتوں میں بھی اضافہ دیکھا گیا۔ فی تولہ چاندی 108 روپے مہنگی ہوکر 6 ہزار 256 روپے جبکہ 10 گرام چاندی کی قیمت 93 روپے اضافے کے بعد 5 ہزار 363 روپے ہوگئی۔