12
کرم (پاک ٹوڈے): ضلع کرم کے علاقے پاڑہ چمکنی کے گاؤں تنورک کے قریب ارغنجا میلہ کے مقام پر سیکیورٹی فورسز اور مسلح افراد کے درمیان مبینہ فائرنگ کے تبادلے کے نتیجے میں ایک 13 سالہ بچی زخمی ہو گئی ہے۔
ذرائع کے مطابق فائرنگ کے اس واقعے میں ایمان گل نامی شخص کی 13 سالہ بیٹی گولی لگنے سے زخمی ہوئی۔ واقعے کے فوراً بعد اسپین غر ویلفیئر فاؤنڈیشن کی ٹیم نے زخمی بچی کو ایمبولینس کے ذریعے ڈی ایچ کیو ہسپتال پاڑہ چنار منتقل کیا جہاں اسے طبی امداد دی جا رہی ہے۔
مقامی ذرائع کا یہ بھی دعویٰ ہے کہ فائرنگ کے بعد سیکیورٹی فورسز نے ایمان گل کے گھر کا گھیراؤ کرلیا۔ تاہم، واقعے کے اصل اسباب اور مزید تفصیلات کی متعلقہ حکام یا ازخود آزادانہ تصدیق ہونا ابھی باقی ہے۔
