فرانسیسی سفارت کاروں پر مداخلت کا الزام: ایرانی وزارتِ انٹیلی جنس کی پیرس کو سخت نتائج کی وارننگ

​تہران (پاک ٹوڈے): ایران کی وزارتِ انٹیلی جنس نے فرانس پر ملک کے اندرونی معاملات میں براہِ راست مداخلت کا الزام عائد کرتے ہوئے پیرس انتظامیہ کو سخت نتائج سے خبردار کر دیا ہے۔

​ایرانی انٹیلی جنس کی جانب سے جاری کردہ ایک اہم بیان میں کہا گیا ہے کہ فرانسیسی سفارت کار ایران میں ایک غیر ملکی دراندازی کے منصوبے میں ملوث پائے گئے ہیں۔ وزارت نے واضح کیا کہ فرانس کو اپنی ان غیر قانونی، ناقص اور مداخلت پسندانہ کارروائیوں کی باقاعدہ وضاحت پیش کرنا ہوگی۔

​بیان میں فرانسیسی حکام کو خبردار کرتے ہوئے کہا گیا ہے کہ اگر اس نوعیت کی سرگرمیاں آئندہ دوبارہ دیکھنے میں آئیں تو ایران اپنے دفاع اور ملکی سلامتی کے تحفظ کے لیے مناسب اور سخت کارروائی کا پورا حق محفوظ رکھتا ہے۔