حویلیاں کے قریب بس اور ٹرالر میں تصادم، 7 افراد جاں بحق اور 16 زخمی

حویلیاں (پاک ٹوڈے): حویلیاں کے قریب ہنزہ سے راولپنڈی جانے والی مسافر بس اور ٹرالر کے درمیان تصادم کے نتیجے میں 7 افراد جان سے گئے جبکہ 16 زخمی ہوگئے۔

موٹروے پولیس کے ترجمان کے مطابق حادثے میں جاں بحق افراد کی میتوں اور تمام زخمیوں کو ایوب میڈیکل کمپلیکس اور بے نظیر ہسپتال منتقل کر دیا گیا ہے۔

ترجمان کا کہنا ہے کہ حادثے کی وجوہات جاننے کے لیے تحقیقات شروع کر دی گئی ہیں۔