کابل (پاک ٹوڈے): افغانستان کے وزیر صحت عامہ مولوی نور جلال نے کابل میں روسی وفد اور روسی سفارت خانے کے نمائندوں سے ملاقات کی، جس میں صحت کے شعبے میں دوطرفہ تعاون کو وسعت دینے پر تبادلہ خیال کیا گیا۔
افغان وزارت صحت عامہ کے مطابق ملاقات میں افغان طبی عملے کی استعداد بڑھانے، بالخصوص کینسر اور امراضِ قلب کی تشخیص اور علاج کے حوالے سے تربیت فراہم کرنے کے امور پر گفتگو ہوئی۔
وزارت کے مطابق روسی وفد نے صحت کے شعبے میں تعاون بڑھانے کے حوالے سے اپنی تجاویز پیش کیں اور ان شعبوں میں افغانستان کے ساتھ تعاون کی یقین دہانی کرائی۔