پشاور صرافہ بازار میں دو گروپوں میں شدید تصادم، متعدد افراد زخمی

پشاور (پاک ٹوڈے): اندھیر شہر کے صرافہ بازار میں دو گروپوں کے درمیان شدید تصادم ہوا، جس کے نتیجے میں متعدد افراد کے زخمی ہونے کی اطلاعات ہیں۔

ابتدائی اطلاعات کے مطابق لڑائی کے بعد بازار میں خوف و ہراس پھیل گیا۔ واقعے کی اطلاع ملتے ہی پولیس موقع پر پہنچ گئی۔

زخمیوں کی تعداد اور تصادم کی وجوہات سے متعلق مزید تفصیلات تاحال سامنے نہیں آسکیں۔