6
پشاور (پاک ٹوڈے): خیبرپختونخوا کے 27 اضلاع میں پانچ روزہ انسداد پولیو مہم آج سے شروع ہوگئی ہے، جس کے دوران پانچ سال سے کم عمر کے 65 لاکھ سے زائد بچوں کو پولیو سے بچاؤ کے قطرے پلائے جائیں گے۔
محکمہ صحت کے مطابق مہم کے لیے 35 ہزار سے زائد ٹیمیں تشکیل دی گئی ہیں، جو گھر گھر جا کر بچوں کو قطرے پلائیں گی۔ مہم کے دوران سیکیورٹی کے سخت انتظامات بھی کیے گئے ہیں۔
محکمہ صحت نے والدین سے اپیل کی ہے کہ وہ اپنے پانچ سال سے کم عمر تمام بچوں کو پولیو سے بچاؤ کے قطرے ضرور پلوائیں تاکہ انہیں عمر بھر کی معذوری سے محفوظ رکھا جا سکے۔
