ڈیرہ اسماعیل خان (پاک ٹوڈے): گزشتہ شب ڈیرہ اسماعیل خان سے جنوبی وزیرستان جانے والے سیکیورٹی فورسز کے قافلے کو کوآڈ کاپٹر ڈرون کے ذریعے نشانہ بنایا گیا ہے، جس کے نتیجے میں 20 اہلکار زخمی ہو گئے ہیں۔
ابتدائی اطلاعات کے مطابق زخمی ہونے والے اہلکاروں میں فرنٹئیر کانسٹیبلری (ایف سی) کے 14 اور پاک فوج کے 5 جوانوں سمیت 20 سیکیورٹی اہلکار شامل ہیں۔ واقعے کے فوراً بعد امدادی ٹیموں اور سیکیورٹی فورسز نے موقع پر پہنچ کر تمام زخمیوں کو فوری طبی امداد کے لیے نزدیک ترین ملٹری اسپتال منتقل کر دیا ہے، جبکہ علاقے کو گھیرے میں لے کر سرچ آپریشن شروع کر دیا گیا ہے۔
زخمی ہونے والوں میں ایف سی اور مختلف ملٹری یونٹس کے اہلکار شامل ہیں، جن میں ہدایت اللہ (ایف سی)، لانس نائیک انور، اسماعیل (ایس او جی)، سپاہی خوشحال، صوبیدار شبیر (20 ایف ایف)، سپاہی امداد اللہ، سپاہی ناہید، لانس نائیک محمد شاہد، صوبیدار جہانگیر (207 ایم آئی)، صوبیدار عابد علی، لانس نائیک جابر، لانس نائیک اصغر، لانس نائیک محمد وقاص، لانس نائیک صفت اللہ، لانس نائیک آصف، حولدار محمد حسن، سپاہی جمشید، سپاہی فاروق، مصور، اور نائیک حیدر علی شامل ہیں۔
