راولپنڈی (پاک ٹوڈے): راولپنڈی کے مال روڈ پر سکیورٹی فورسز کی پٹرولنگ ٹیم پر فائرنگ کرنے والا شخص جوابی کارروائی میں ہلاک ہو گیا، جبکہ فائرنگ کے تبادلے میں ایک سکیورٹی اہلکار زخمی ہوا۔
ترجمان راولپنڈی پولیس سجاد الحسن کے مطابق واقعہ 11 اگست کو پیش آیا جہاں محمد حسین نامی شخص نے پٹرولنگ ٹیم پر اچانک فائرنگ کر دی۔ فورسز کی فوری جوابی کارروائی میں حملہ آور موقع پر ہی مارا گیا۔ پولیس نے ہلاک حملہ آور کے قبضے سے موبائل فون اور دیگر اہم شواہد برآمد کر لیے ہیں۔
ترجمان کے مطابق ہلاک شخص کا تعلق ایک سیاسی جماعت سے تھا، جس پر وفاقی وزیر اطلاعات عطا اللہ تارڑ نے ردعمل دیتے ہوئے واقعے کی شدید مذمت کی اور اسے ناقابلِ قبول قرار دیا۔
معلومات کے مطابق محمد حسین کا تعلق پاکستان تحریک انصاف (پی ٹی آئی) سے ہے اور ان کی ذہنی حالات خراب بتائی جاتی ہے، یہ واضح نہیں کہ ملزم نے فائرنگ کی بھی یا نہیں کیونکہ پاکستانی فورسز اس طرح کے واقعات کے لیے جانی جاتی ہے، پی ٹی آئی نے واقعے پر اپنا موقف دیتے ہوئے کہا ہے کہ وہ پرامن اور آئینی جدوجہد پر یقین رکھتی ہے، اور انہوں نے حقائق سامنے لانے کے لیے غیر جانبدار عدالتی انکوائری کا مطالبہ کیا ہے۔
